കൂട്ടിൽ ബോറടിച്ചിരുന്ന തത്ത മുറ്റത്തു കൊത്തിപ്പെറുക്കി നടന്ന ഇരട്ടക്കാക്കകളിൽ ഒന്നിനോട്‌ പറഞ്ഞു: ഞങ്ങടെ വർഗ്ഗത്തെ മാത്രം മനുഷ്യർ തടവിൽ പിടിച്ചു വളർത്തുന്നു.
തത്തയുടെ ഭാര്യ പറഞ്ഞു: നമ്മുടെ സൗന്ദര്യം കൊണ്ടായിരിക്കും.
ഒന്നാമത്തെ കാക്ക അതു കേട്ടിട്ട്‌: അതു നിങ്ങൾ രണ്ടുപേരും മനുഷ്യർ പറയുന്നത്‌ അതേപടി ആവർത്തിക്കുന്നതു കൊണ്ടല്ലേ?
കാക്കയുടെ കാമുകി കൂട്ടിച്ചേർത്തു: പാഠത്തിനുമേൽ സ്വതന്ത്രമായ മാറ്റങ്ങൾ വരുത്താനുള്ള ധൈര്യം നേടേണ്ടതുണ്ട്‌.
